هذه المستندات تدل على وجود اسماء مكرره في الكشوف ووفيات لازالت تنتخب من المقابر

المستندات الاتيه تدل على وجود اسماء مكرره بكشوف الجداول الانتخابيه ووجود اسماء متوفيين
الى اخره وسوف نشرح معنى كل منهم بالتفصيل ده كله مش عشان حد تاني بل
(من أجلك انت)
الصوره الاولى هي ورقه الترشيح والسبب في نشرها انه من المفروض انها تكون دلوقت في صندوق الانتخاب طب ايه الي خرجها؟ ده دليل على ان بطاقات التصويت بتخرج خارج اللجان تتظبط وتدخل تاني أما الورقه الثانيه فهي نفس الامر طب احنا نشرناها هي كمان ليه لان واحده خاصه بأنتخابات المجلس المحلي والثانيه بالمحافظه ياعني من الورقه الاولى حتى الخامسه نفس الموضوع ولاحظا الختم على الورقه وانت تعرف ان الورق ده اصلي تعالو وشوفوا المصيبه الثانيه سادس ورقه خاصه بأسماء المواطنين الذي من المفروض انهم يدلون بصوتهم في اللجان هتلاقي اسم متعلم عليه 2003 (كوثر) عايز تعرف كوثر دي مالها؟ دي بقى الله يرحمها ويرحمنا من التزوير ولو مش مصدق شوف الصوره الي بعدها هتلاقي شهاده وفاتها اما البطايق الشخصيه في لمواطنين من خارج بورسعيد او في أخطاء في عناونهم او اساميهم مكرره عشرات المرات في الكشوف وفي لجان مختلفه واحد أبن بلد فيكم يقول وايه ياعني ما فيه حبر سري هههههههه الحبر السري ده كان ايام الاشراف القضائي ومع ذلك ف زي ما انتم شايفين بطايق بتتهرب واسماء متشابهه وعناوين غير صحيحه وأطفال مكتوب اسمائهم بالرغم من كل ده وكان فيه تجاوزات فما بالكم بعد الاشراف
(بتاع المخبرين) والغاء الاشراف القضائي الكامل هتبقى سلطه

دوس هنا وشوف المستندات

كل كلمه قولنا عنها بمستند

ولايزال هناك مستندات ستنشر تابعونا يا اولاد البلد
*****




بطاقات ابداء الرأي لانتخابات أعضاء المجالس الشعبيه المحليه لعام 2002 كانت تتداول خارج اللجان
والمضحك المبكي في ان واحد انها جميعا لصالح مرشحي الحزب الوطني صاحب الاغلبيه
وطبعا انتواعرفتوا الان ازاي بتيجي الاغلبيه
*******




بطاقات ابداء الرأي لانتخابات أعضاء المجالس الشعبيه المحليه لعام 2008 كانت تتداول خارج اللجان
والمضحك المبكي في ان واحد انها جميعا لصالح مرشحي الحزب الوطني صاحب الاغلبيه
وطبعا انتواعرفتوا الان ازاي بتيجي الاغلبية (هذه الجمله غير مكرره لاحظ التاريخ والاسماء)
******



الصوره الاولى خاصه كشف اسماء الناخبين لعام 2008
لاحظ في هذا الكشف اسم المرحومه (كوثر عوض احمد بدوي)
(الفاتحه على روحها)
مااااااااتت وشعبت موت في 5/4/2003 ومع ذلك
لسه بتروح تنتخب
ده لانها في مصر ودي حاله فريده من نوعها على مستوى العالم
شهاده وفاتها امامكم
*******

ودي بطاقتها الانتخابيه
********
تعالوا شوفوا السرك العجيب طبعا قولنا ان الست ماتت وشبعت موت وبتروح تنتخب وهي ميته
هناك ما هو اغرب ان جوزها هو كمان متوفي وتخيلوا..
ان اليوم الوحيد اللي بيقابلوا بعضهم فيه هو يوم الانتخابات مش مصدقني طيب تابع المستندات
وأدعوا لهم بالجنه لان دول ناس وطنيين بينتخبوا الحزب الوطني ويرجعوا تاني

وش البطاقه

اللي فاتت صوره واللي جايه الاصل

وعشان الي عنده كومبيوتر بالالوان دي البطايق الاصل
**********
قبل مانخلص موضوع كوثر وجوزها
عايزين نسأل سؤال لاولاد البلد
هو مين الي بيفتح الباب لما الحزب الوطني بيخبط عليهم؟
******
والان مع روائع الحزب الوطني (تفتكروا يستحق نقول عليه وطني او ديمقراطي؟)
الطفل المعجزه اصغر طفل في العالم له بطاقه انتخابيه
(يستحق دخول الموسوعه)
هذا الطفل نظرا لصغر سنه لا يستطيع ان يذهب لدائرته الانتخابيه للادلاء بصوته
اولا: هذا الطفل من خارج الدائره الانتخابيه المقيد فيها
ثانيا: اهله بيخافوا عليه من النزول لوحده
لذا فتتكرم الداخليه مشكوره بالتصويت بالنيابه عنه
وهذه شهاده ميلاده

ولو ماحدش مصدق يقول لينا واحنا ننشر لكم اسمه وهو مدرج بالكشوف الانتخابيه
**********

شهاده وفاه لاحد الناخبين برده بيروح ينتخب الحزب الوطني
ملحوظه ماحدش يجيب سيره الراجل ده على لسانه
ده لانه خالي اخو أمي
وبرده هننشر المستند الدال على بقاء اسمه في الكشوف الانتخابيه
وبما انه خالي فقد ارسل رساله بتقول
ارحموني وشيلوا اسمي من الكشوف بقى
*******

الله يرحمك يا نسيبي
هو كمان بيروح ينتخب
واسمه لسه موجود وبيروح يدلي بصوته

*****
ودي شويه صور ومستندات فوق البيعه